Fullscreen view active. Tap screen to show options.
BACK
18px
tume adhamo potito nore
Singer: Traditional / Gospel
ତୁମେ ଅଧମ ପତିତ ନରେ, କିପାଁ ଭଲ ପାଅ ନାଥ ?
ରହିଥାଅ ପାଶେ ପାଶେ (ତୁମେ) ନିଶିଦିନ ଅବିରତ । ଘୋଷା ।
ଯେ ତୁମକୁ ନିତି ଭୁଲି ଯାଏ,
ତାକୁ ତୁମ୍ଭେ କ୍ଷଣ ମାତ୍ରେ ଭୁଲ ନା ଯେ ହାୟ !
ପ୍ରେମ ଡୋରେ ବାନ୍ଧି ତାକୁ କର ଚିର ଅନୁଗତ । ୧ ।
ପାପେ ଯେ ହୋଇଛି ମଳିନ,
ନାହିଁ ଭକ୍ତି, ନାହିଁ ପ୍ରୀତି, ଶକତି ବିହୀନ,
ପ୍ରେମ ନୀରେ ଧୋଇ ତା’ରେ କ୍ଷମ ପାପ ଶତ ଶତ । ୨ ।
ପାଇ ତୁମ୍ଭ ଦୟା ଅଗଣନ ମୋହାବେଶେ ତଥାପି ଯେ ରହେ ଅଚେତନ,
ମଧୁର ସ୍ୱରେ ଜଗାଇ ଧୀରେ କର ତୁମେ ପ୍ରେମ-ସିକ୍ତ । ୩ ।
ଦାସ ପଦେ ଯେ ଯୋଗ୍ୟ ନୁହଁ,
ଡାକ ତାକୁ ସଖା ବୋଲି ଆହେ ପ୍ରେମମୟ;
ତୁମ ପ୍ରେମ ଅନୁପମ, ହୋଇଛି ମୁଁ ବିମୋହିତ । ୪ ।
ସୂଚୀମାଳାକୁ ଫେରନ୍ତୁ