ଜଣାଇବି ଆଉ କାହା ଆଗରେ ମୋର ଦୁଃଖ ପ୍ରଭୁ ବିହୁନରେ ହେ jonaayeebi aau kaaha aagore moto dukho probhu bihune

ଜଣାଇବି ଆଉ କାହା ଆଗରେ ମୋର ଦୁଃଖ ପ୍ରଭୁ ବିହୁନରେ ହେ । ଘୋଷା ।

ଦୀନହୀନ ବନ୍ଧୁ ସେହି କୃପାସିନ୍ଧୁ, ଦୃଢ଼ଗଡ଼ ଦୁର୍ଦ୍ଦଶାରେ,

ଡାକନ୍ତି ପ୍ରତ୍ୟେକ ଖେଦିତ ଲୋକଙ୍କୁ ଆସିବାକୁ ଶ୍ରୀଛାମୁରେ ହେ । ୧ ।

ତାଙ୍କ ଦୟାସନ ଦୁଃଖ ବିନାଶନ ଅଛି ଦୁଃଖୀ କାରଣରେ,

ପାରେ ଯାଇ ମୁହିଁ ସ୍ୱଚ୍ଛନ୍ଦରେ କହି ଦୁଃଖ ମୋର ସେହିଠାରେ ହେ । ୨ ।

କେଡ଼େ ମୂଲ୍ୟବାନ ପ୍ରତିଜ୍ଞା ବଚନ ଦେଇଛନ୍ତି ସ୍ୱବାକ୍ୟରେ,

ନିଶ୍ଚେ ମୋ କାରଣ କରି ସେ ସ୍ମରଣ କରୁଣା କରିବେ ମୋରେ ହେ । ୩ ।

ତାହାଙ୍କ ମୁଖର ବାକ୍ୟ ମନୋହର, ସୁସ୍ଥିର ସବୁ କାଳରେ,

ମୋ ଦୃଢ଼ ବିଶ୍ୱାସ ଭରସା ଆଶ୍ୱାସ ସଦା ଅଛି ତହିଁପରେ ହେ । ୪ ।

ସୂଚୀମାଳାକୁ ଫେରନ୍ତୁ