Fullscreen view active. Tap screen to show options.
BACK
18px
ଦିନ ମୋର ଯାଉଛି କେଡ଼େ ବହନେ !
Singer: Traditional / Gospel
ଦିନ ମୋର ଯାଉଛି କେଡ଼େ ବହନେ !
ଆସୁଛି ମରଣ ଧାଇଁ ଧାଇଁ ମୋ ସନ୍ନିଧାନେ । ଘୋଷା ।
ଆସୁଛି ଏକ ସମୟ ନ ଥିବି ମୁଁ ସଂସାରେ
ନେଇ ମୋ ଶେଷ ବିଦାୟ ଯିବି ମୃତ୍ୟୁ-ଯର୍ଦ୍ଦନେ । ୧ ।
ଆସୁଛି ଏକ ସମୟ ଶୋଇବି ମୁଁ କବରେ,
ଯେଉଁଠାରେ କର୍ମ ଧ୍ୟାନ କିଛି ନୋହିବ ଦିନେ । ୨ ।
ଆସୁଛି ଏକ ସମୟ ଦେବାକୁ ମୋ ନିକାଶ,
ଠିଆ ହେବି ଖ୍ରୀଷ୍ଟଙ୍କ ସିଂହାସନ ସନ୍ନିଧାନେ । ୩ ।
ଆସୁଛି ଏକ ସମୟ ହୋଇବ ନିରୂପଣ
ମୋହର ଅନନ୍ତ ଗତି ସୁଖ କି ଦୁଃଖ ସ୍ଥାନେ । ୪ ।
ଆହେ ଯୀଶୁ ମୁକ୍ତିଦାତା, ହୁଅ ସଙ୍ଗେ ସେକାଳେ
ତୁମ୍ଭ ବିନା କେହି ନାହିଁ ସଙ୍ଗେ ଯିବାକୁ ଜଣେ । ୫ ।
ସୂଚୀମାଳାକୁ ଫେରନ୍ତୁ