BACK
18px
କରି ଯୋଡ଼ କର ଖୋଲି ହୃଦ ଦ୍ୱାର ବସିଅଛି ପରା ତୁମରି ଆଶେ
କରି ଯୋଡ଼ କର ଖୋଲି ହୃଦ ଦ୍ୱାର ବସିଅଛି ପରା ତୁମରି ଆଶେ,
କାହିଁ ଅଛ ସଖା ? କେବେ ଦେବ ଦେଖା ?
କେବେ ହେବ ଉଭା ହୃଦ ଆବାସେ ? । ଘୋଷା ।
ଆଘାତ କରି ମୋ ହୃଦୟ ଦୁଆରେ ଡାକିଅଛ କେତେ ମୃଦୁ ମଧୁ ସ୍ୱରେ;
ସେ ପ୍ରାଣ ପିପାସା, ସେ ଆଦର ଭାଷା
ନ ପଶିଲା ମୋର ମୁଗ୍ଧ ମାନସେ । ୧ ।
ଗୋପନେ ଗୋପନେ ନିଅ ସମାଚାର,
କେତେ ଯେ ଭାବନା ଭାବ ହେ ମୋହର ତବ ପ୍ରେମ ରୀତି ସୁକୋମଳ ଅତି
ପାଇବି କି ଏହା ଆଉ କା ପାଶେ ? । ୨ ।
ଭୁଲିଛି ଯେ ଥରେ ତବ ପ୍ରଲୋଭନେ ବିରତ କି ହେବ ତବ ଅନ୍ୱେଷଣେ ?
ତୁମରି ବିରହ ବାଜେ ଅହରହ ମରମେ ମରମେ ପ୍ରତି ନିମିଷେ । ୩ ।
ଖୋଲି ଦେଇଛି ମୁଁ ହୃଦୟ ଦୁଆର ଦେଖା ଦେବ ବୋଲି
ହେ ରୂପସାଗର ବାହାର ଭିତର କରି ଭରପୂର
ଅପରୂପ ରୂପେ ରାଜ ମୋ ପାଶେ । ୪ ।
ସୂଚୀମାଳାକୁ ଫେରନ୍ତୁ
KAMESWAR MANDANGI
May 2, 2022 at 5:52 pm
Priase the lord i want to more song oriya and Hindi