ଯୀଶୁ ନାମ ବିନୁ ନାହିଁ ଅନ୍ୟରେ ତ୍ରାଣ । ଘୋଷା ।

ସେହି ଯୀଶୁ ଦାସାକାରେ ଅଇଲେ ଅବନୀ ପରେ

ପାପୀ ତାପୀ ତାରିବାରେ ହୋଇଲେ ଜନ୍ମ । ୧ ।

କଲେ ମହା ମହା କର୍ମ ମୃତକୁ ଦେଲେ ଜୀବନ

ବଧିରେ ଦେଲେ ଶ୍ରବଣ, ଅନ୍ଧେ ନୟନ । ୨ ।

ଭ୍ରମି ନାନା ଦେଶ ଦେଶ ଦେଲେ ନାନା ସୁପଦେଶ

ଯେହ୍ନେ ଏ ମାନବ ବଂଶ ପାଇବେ ତ୍ରାଣ । ୩ ।

ଅବଶେଷେ ହୋଇ ହତ ପୁଣ୍ୟ ରକ୍ତ କଲେ ପାତ

ଶତ୍ରୁଙ୍କ ପାଇଁ ଏମନ୍ତ କେ ଦେବ ପ୍ରାଣ ? । ୪ ।

ଯୀଶୁ ନାମ ନ ଭଜିଲେ ପଡ଼ିବ ନରକାନଳେ

ତ୍ରାଣ ନାହିଁ କେଉଁ କାଳେ, ଦୁଃଖ ଦାରୁଣ । ୫ ।

ଯୀଶୁରେ ନେଲେ ଶରଣ ନିଶ୍ଚେ ହେବ ପରିତ୍ରାଣ

ଭୁଞ୍ଜିବ ସ୍ୱର୍ଗର ସୁଖ ଅନନ୍ତ ଦିନ । ୬ ।

ସୂଚୀମାଳାକୁ ଫେରନ୍ତୁ