ଭଙ୍ଗା ହୃଦ ତୁଚ୍ଛ କରି ନ ପାରନ୍ତି

ଅଟେ ତାଙ୍କ ଗ୍ରାହ୍ୟ ବଳି ନେତ୍ର ଜଳେ ଭାସି ଡାକରେ ପାତକି

(ତାଙ୍କ) ସିଂହାସନ ଯିବ ଟଳି । ୦ ।

ଯଦି ଅନ୍ଧକାର ହୁଏ ଗାଢ଼ତର

ପଥ ଯାଉ ତୁହି ଭୁଲି

ଆକୁଳ ଅନ୍ତରେ ଡାକଟାଏ ଦେଲେ

ଦୁଇ ହାତେ ନେବେ ତୋଳି । ୧ ।

ସର୍ବଗ୍ରାସୀ ଢେଉ ଗ୍ରାସ କରିବାକୁ

ଆସେ ଯେବେ ତୋର ତରୀ ଆକୁଳ ଅନ୍ତରେ ଡାକଟାଏ ଦେଲେ

ଢେଉ ଯିବ ଅପସରି । ୨ ।

କଳା ମେଘ ଯେବେ ଘୋଟେରେ ଆକାଶେ

ଘଡ଼ଘଡ଼ି ଦିଏ ମାରି ଆକୁଳ ଅନ୍ତରେ ଡାକଟାଏ ଦେଲେ

ଧରିବେ ହସ୍ତ ବିସ୍ତାରି । ୩ ।

ମାଡ଼ି ଆସେ ଯେବେ ଝଡ଼ ତୋଫାନରେ

ଆଶ୍ରା ଯାଏ ତୋର ଭାଜି

ଆକୁଳ ଅନ୍ତରେ ଡାକଟାଏ ଦେଲେ

ଯୀଶୁ ତୋ ଆଶ୍ରୟ ଗିରି । ୪ ।

ସୂଚୀମାଳାକୁ ଫେରନ୍ତୁ